بسم الله الرحمن الرحيم
السلام عليكم ورحمة الله وبركاته
لا اجيد الترتيب في الكلام بدخل بالموضوع بالطريقة التي تريحني
يا اخوان انا طالب الترم هذا متخرج من الكلية عمري 21 الله بلاني بشيء اسمه (حشيش-شراب) من 2 ثنوي اتعلمت الشيء هذا بسبب الفضول وكنت اتعاطى من فتره لفتره مو بشكل مستمر الى تقريباً اخر ترمين لي بالدراسة في الكلية صرت يومياً ادخن الحشيش احيان 7 سقاير في اليوم انا انسان ما اصلي اهلي الحمدلله محترمين والوالده حريصة علي بالصلاه لكن تعبت فيني وانا حنون وبار فيها لكن الشيطان اعوذبالله منه كان ملازمني كرفيق لي انا تعبان في حياتي دايم اتمنى اكون الشخص المثالي .. شاطر في دراستي اتخيلو الشخص الدافور كنت ادخل المحاضرات وانا سكران واحيان محشش مستواي بالدراسة هبط وجبت معدل 4.20 بتخصص المحاسبه لكن الحمدلله .. خايف من النار ومن الاخره ودايم تصير لي مصايب وما اتهنى في شيء فتره معينه الا تصير مصيبة الين ما اقتنعت امس (اول يوم في رمضان) ان كل المصايب اللي تصير لي والاعاقات بسبب بعدي عن الله اولاً وثانياً بسبب الاشياء اللي استخدمها تكفون ياعالم انا ابغا اتوب وارفع يدي للسماء لكن المعروف ان الحشيش يبقى في الدم 40 يوم ولا تقبل صلاه طالما الحشيش في الدم موجود .. سبب دخولي في المنتدى انكم اهل علم ان شاءالله في امور الدين واتمنى افادتكم لي .. احيان كثيرة ارجع استغفر الله بالشهور الماضية وبشكل مستمر من فتره لفتره واحاول ابتعد لكن ماقدر بسبب رغبتي في الحشيش والشراب لاني اتعودت عليهم احيان الشيطان يضحك علي ويقولي ان العباده خطا وكله وهم لكن اشوف كل العالم يصلون ويدعون معقوله كلهم غلط وانا صح !!! تكفون تساعدوني وتنصحوني وتعطوني كل الطرق اني اقرب لله ويتوب علي وكيف انوي نية صادقة وادعي ادعية ان الله يبعدني عن كل شر ويريحلي صدري .. انسان محبوب عند الكل فيني الفزعه لاي شخص كان دايم اتصدق انا يفترض اني مو بالطريق هذا انا تعبان ياجماعه بشكل ماتتصورنه الحمدلله على كل حال ابغاكم كلكم تدعون لي بالهدايه وان الله يقبل توبتي ويشرحلي صدري ويبعد عني الشياطين ولا ابغاكم تنظرون لي نظرة سيئه تكفون والله اني احبكم وانا ما اعرفكم احسكم شيء كويس فيكم الخير في مكان مثل هذا المنتدى[size=24][/size]
موضوع: احتاج وقفتكم معاي يا اخوان واخوات 
الخميس يوليو 11, 2013 10:43 pm